Alicia Framis

Alicia Framis (Barcelona, 1967) desenvolve desde hai anos unha serie de traballos nos que aborda cun enfoque moi persoal algúns dos síndromes da vida urbana contemporánea. Desde aquela a artista interésase por aqueles temas en ocasións reprimidos na vida pública, pero que forman parte da nosa existencia individual. As ideas e a conducta da sociedade fronte a cuestións como o amor, a soidade, a sexualidade, ou a enfermidade son confrontadas co contorno no que vivimos e cos múltiples medios que determinan anosa percepción deste.

Secret Strike é o título dunha serie deproxectos fílmicos nos que Alicia Framis examina o día a día de diferentesespazos de traballo. En todos eles os traballadores e os visitantes ocasionaisaparecen detidos, como se as súas accións fosen suspendidas e puidesen serretomadas no mesmo punto ao cabo duns instantes. A artista vai percorrendo coasúa cámara os diferentes espazos rexistrando nun travelling as posturas inmóbiles dos seus "actores reais".

Co gallo da súa exposición no CGAC, Alicia Framis rodou o seu último Secret Strike nas instalacións da empresa téxtil Inditex. Como entoda a súa obra, o interese da artista catalá non está en documentar unharealidade senón en expresar o espazo en termos relacionais, mediante a relacióndunha situación temporal na que se implica un colectivo humano. Por medio dedunha elaborada posta en escena onde cada traballador interpreta a súaactividade diaria, Alicia Framis aproxímase ao ámbito interpersoal e afectivoque caracteriza o tempo do traballo nas empresas actuais. A súa "folga secreta" é unha performance colectiva na queos diferentes traballadores sincronizan os seus corpos, suxerindo outra forma de tempo.

SecretStrike produciuse con anterioridade en lugares tan significativos como a sede central do Rabobank en Utrecht ou o Tate Modern de Londres. Pódese entender o interese de Alicia Framis por unha empresa global que traballa cun fenómeno cultural como a moda. Non é a primeira vez que a artista se achega a un contexto que lle proporciona un significativo material de reflexión sobre o presente. Porén, en Secret Strike Alicia Framis prefire examinar o tempo do traballo como un medio que non só produce obxectos ou servizos, senón que tamén xera subxectividade e formas culturais e de socialización.

Alicia Framis
SECRET STRIKE
Kurator: Pablo Fanego